田力的博客

田力：

么人惜来么人眠，

夏天的铺板是冷床；

大家赶得转屋夸，

孝敬母亲老人家。

刮冷的烧酒害捱一暗铺么甲么刹；

习嫩的老婆陪捱到天光劳心劳神。

一人唱歌好孤凄，

就像秆人脚庞浮，

心肝么撇眼落格，

风雨冷暖么人知。

善松斋：

一早醒来买东西，

宰鸡杀鸭请母亲；

啀同阿姆有得嬲，

阿姆唠叨最欢喜。

田力：

词鸡杀鸭也唔讲，

食撇胀来话捱知，

老人家食了添福寿，

后生食了磅浪强。

田力：

冷清冷清是冷清，

月光俺亮风俺靓，

半条村子定也转，

闲是么人同捱钦。

脚头闭耶么笨箕，

笠嘛戴耶么日须，

妄捱敲锣又打鼓，

鸡唔啼来鸟唔杯。

朝阳自然风：

客家山歌莫啰嗦，

五句板莫代山歌。

两句唱郞两句妹，

阿哥出对阿妹和。

田力：

阿哥一出捱就心博飙，

钦等衫尾也么用，

好彩戴等盲公帽，

唔怕你一双眼来瞟。

睡目睡到打呼噜，

来哩歌王也唔知，

听瓦歌喉十分熟，

藤声寻出把佢留。

藤来藤去藤到你，

唔是日头俺橙眼，

唔是鹞婆俺会杯，

心肝跌落是欢喜。

朝阳自然风：

盲公唔惊眼火多，

牵等衫尾喊阿哥。

土枪土炮矛人怕，

喊只野妹随便摸。

田力：

耳聋唔怕土枪炮，

眼盲唔怕鱼招摇，

寻枝拐杖身边放，

唔怕阿哥声俺刁。

朝阳自然风：

唔怕阿哥声俺刁，

听倒令火就喂烧。

日里矛用土枪炮，

夜里还晓犯天条？

田力：

得知濑尿莫上床，

得知落雨爱关窗，

母亲节里么商量，

山歌越驳越分相。

善松斋：

今日系个母亲节，

家有母亲根连接；

十月怀胎娘辛苦，

养儿育女娘最累。

田力：

十月怀胎娘辛苦，

日里行等闲阁得，

夜里项床怕拼经，

目汁落枕遮额流。

善松斋：

唔怕唠叨啦家常，

阿姆爱讲啀爱听；

阿姆思量长江水，

我学陈毅（同母）洗衣裳。

田力：

闲细唔田学个事，

大耶来学莫怕羞，

阿姆等等鱼服侍，

闲来就到床前企。

牛哥来哩也唔声，

泡壶酽茶场边企，

日头紧昼就紧辣，

莫等落山尽喊迟。

阿牛哥：

唱支山歌颂母亲，

母亲是涯大恩人。

母爱恰似长江水，

潺流不息暖儿心。

仰望天空看星星，

世间挚爱是母亲。

做妈才知母之苦，

何以为报娘艰辛？！

田力：

学了呆鹅又学鹿，

唔怕颈经邦俺长，

唔怕跳上又跌落，

就怕秋歌咩咩唔上场。

牛哥开腔咩咩鱼快和，

唔是捱心虚肚么料，

食杯茶来润个喉，

听下牛羊一歌又一和。

原汁原味个山歌，

粗茶淡饭来打磨，

唔怕雨淋日来晒，

山歌跌落有人和。

阿牛哥：

中华妇女万万千，

客家母亲最良贤。

家里家外碌碌转，

相夫教子登堂前。

客家山歌系有名，

今日唱给母亲听。

吾系妈妈咁捱苦，

哪有涯兜好后生。

田力：

涯兜后生莫自夸，

勤俭吃苦会兴家，

上州下县唔怕走，

千奇莫做大懒蛇。

荷池夜色：

阿哥出对阿妹和，

朝阳自然有山歌，

上村唱到下村转，

唱到日头落西河！

唱到日头落西河，

荷池听到就来和，

祝福天下老母亲，

健康平安笑呵呵！

朝阳自然风：

唱到日头落西河，

点着油盏再对歌。

夜色幽幽涯唔怕，

总爱阿妹一下坐。

健康平安笑呵呵，

笑到日头落西河。

天下母亲真伟大，

唔信且看一池荷。

田力：

荷池阿妹歌俺靓，

天项传来曼妙音，

唔是专为那人唱，

祝福天下个母亲。

擎等灯盏来对歌，

自古算来也唔多，

唔是母亲个节日，

哪有俺大气脉和。

荷池夜色：

哪有俺大气脉和，

双亲育儿辛苦多，

父母为儿长江水，

儿女孝亲有几多？

田力：

做人子女莫蹉跎，

本本分分唔会差，

孝敬父母亲骨肉，

还爱孝敬叔公同叔婆。

善松斋：

人人敬母把母接，

暖心话儿同母讲；

滂沱雨祝母亲节，

寿比滂沱雨更长。

田力：

阿姆辛苦鱼今胀知，

日头落山笑嘻嘻，

只爱乖子还孝顺，

阿姆难行也会企。

锡心锡肝捱惜死你，

思量阿姆长江水，

日里流到夜铺眠，

等到天光鸡打鸣。